Bókmenntahátíð í Reykjavík var haldin í fyrsta skipti árið 1985. Thor Vilhjálmsson rithöfundur, Einar Bragi skáld og Knut Ödegård þáverandi forstöðumaður Norræna hússins stofnuðu til hátíðarinnar og varð hún fljótt einn af helstu viðburðum íslenska bókmenntasamfélagsins. Hátíðin hefur verið haldin að jafnaði annað hvert ár og í ár er hún haldin í tíunda skiptið. Helstu viðburðir hátíðarinnar fara fram í Norræna húsinu og Iðnó.
Stjórn Bókmenntahátíðarinnar er skipuð af hópi sjálfboðaliða. Í stjórn hátíðarinnar eru Sigurður G. Valgeirsson (formaður), Einar Kárason, Halldór Guðmundsson, Max Dager, Óttarr Proppé, Pétur Már Ólafsson, Sjón, Þorgerður Agla Magnúsdóttir og Örnólfur Thorsson. Starfsmenn hátíðarinnar eru Stella Soffía Jóhannesdóttir og Hulda Lárusdóttir.
Á Bókmenntahátíð í Reykjavík koma innlendir og erlendir rithöfundar saman, kynna verk sín og ræða um líf sitt og störf. Nálægð við lesendur er aðalsmerki hátíðarinnar, en atburðir hátíðarinnar eru öllum opnir og aðgangur er ókeypis. Þemað í ár er norrænn sagnaarfur, lifandi samtímabókmenntir og verður meðal annars blásið til Íslendingasagnaþings á hátíðinni.
Bókmenntahátíð í Reykjavík árið 2011 tileinkuð minningu Thors Vilhjálmssonar stofnanda hennar, en hann lést fyrr á þessu ári.
Lógó Bókmenntahátíðar 2011:
lógó 1221 × 1145
lógó 2284 × 1009
