Útgefendamálþing Bókmenntahátíðar í Reykjavík verður haldið fimmtudaginn 8. september í Norræna húsinu – kl. 9-11.30. Fjöldi erlendra forleggjara tekur þátt í hátíðinni í ár. Þátttaka þeirra er mikilvæg fyrir íslenska höfunda, samband höfundar og forleggjara styrkist og ný sambönd verða til.
Málþingið skiptist í tvo hluta og fer fram á ensku. Aðgangur er ókeypis og öllum heimill.
Pallborð 1: Hvaða hlutverki gegna bókasýningar og hverju skila þær bókmenntunum (9.00-10.00)
Halldór Guðmundsson opnar pallborðið með stuttri kynningu á þátttöku Íslands á Bókasýningunni í Frankfurt og hverju hún muni skila íslenskum bókmenntum.
Þátttakendur í pallborðinu eru: Barbara Rozycky, Rainer Nitsche (Transit Verlag) og Thomas Sparr (Suhrkamp). Halldór Guðmundsson stýrir umræðum.
10.00-10.30: hlé
Pallborð 2: Framtíð bókaútgáfu (10.30-11.30)
Kristján B. Jónasson, formaður Félags bókaútgefenda opnar pallborðið með umfjöllun um framtíð bókaútgáfu – hafa lestrarvenjur breyst og munu þær breytast enn frekar í takt við breyttan lífsstíl.
Þátttakendur í pallborðinu eru: Marcia Markland (Macmillan/St. Martin‘s Press), Tom Kraushaar (Klett-Cotta) og Egill Örn Jóhannsson (Forlagið). Kristján B. Jónasson stýrir umræðum.
